हिरव्याजळ तलावाकाठी तुझ्या डोळ्यातली लकाकी
निळ्या विजेची चमक, जणू सळसळती मासळी
काजळलेल्या डोंगराच्या पाठी मंदगती चांदणं
तुझ्या सावळ्या कांतीवर ओली चंदेरी झालर
शांत अशा आवाजात एका पक्षाची आरळं
तुझ्या घनदाट कुशीत माझ्या मनाचं मुंडावळ
एक टपोरा थेंब तुझ्या ओठांवर टिपला
तहानलेला रावा तुझ्या आश्रयाला आला
असं हे तुटक चित्रं, तसं हे तुटक चित्रं
ओघवत्या वाऱ्याचं गहिऱ्या पाण्यातील प्रतिबिंब
कुठे घेऊन जाऊ मी हा आठवणींचा खेळ
तुझ्या ओंजळीत राहू दे माझ्या आयुष्यफुलांची माळ
नितीन अंतुरकर (2007)
