एक चिकणी माशी
नटायची कशी
दिसेल त्या आरशासमोर
मिरवायची कशी
एकदा काय झाले
तिला टक्कल दिसले
तो तुकतुकीत गोटा पाहून
तिचे डोळे चकाकले
माशी उडत आली
“ह्या” आरशाला पाहून हसली
तिने रोवला पाय
पण सटकन घसरली
संतापाने भुणभुणली
रागाने काळीनिळी झाली
पण ह्या घसरगुंडीने
टकलाला फक्त गुदगुलीचं झाली
तेव्हढ्यात कोणीतरी ओरडले
“माशीला मारा” म्हणाले
एकदम कल्ला झाला
धाडकन काहीतरी आपटले
उडत लांब माशी गेली
हसत हसत गुणगुणली
म्हणाली टेंगुळ बघून
“बरे झाले, अद्दल घडली”
– नितीन अंतुरकर (मार्च, २००८)
